..{ شروطنا وقوانينا }..

*

1- الله لا يهينك التزم بالادب لاهنت وخلك رجال كانك رجال وكانتس حرمه خليتس حرمه

2- اهم شئ انك تحط ايميلك الصدقي الي تدخل منه لانه اذا نسيت الباسورد لاتجي تقولنا ابي باسوردي .. لانه اذا نسيته بنرسله لك على الايميل الي مسجل بالمنتدى .. واذا جيت وقلت ايميلي اخترق ما علينا منك .. حط في بالك اذا اخترق ايميلك الله لا يهينك حط موضوع في الشكاوي والاقتراحات انك تبي تغير ايميلك لأنه اخترق.

3- طبعا الالعاااااب ممنوعه منعاً باتاً بالمنتدى موب يجني عضو يقولي ليش ما تسوي قسم للألعاب او يجي يقول ترا موضوعي انحذف واخر شئ يطلع موضوع اللعاب .. ارجع واقول وبصوت عالي الألعاب ممنوعه ممنوعه ممنوعه.

4- تقدر تتكلم وتقول الي تبي وتذب على فلان وعلان في المنتدى لكن لاهنت التزم حدودك بالكلام والذب بـ انه ما يوصل للإهانه او تعدي على حدودك وياليت كل واحد يقدر حدود الثاني .

5- بالنسبه للأسامي ما نبي اسامي مخله بالاداب او فيها اسامي عوايل و قبايل الله لا يهينكم ثمن ما ندري الا واحد من اعضائنا منطق ومنعون جدفه عشان واحد ذب عليه

6- في الردود لا يجينا عضو يكتب لنا (( شكرا , يعطيك العافيه , ماقصرت موضوعك بطل , لي بااااك )) من الحين الله لا يهينك لاتكتبها لانها راح تنحذف

7- مواضيع منقوله عيني عينك نسخ لصق ما فيه و اعرف ان مكان موضوعك قبل لا تحطه في السماجه

8- مسموح لك في اليوم موضوعين فقط في المنتدى كله... اما الردود خذ راحتك فيها

9- مواضيع صور تسيء لبناتنا بتحذف حذف نهائي وعليها انذار مستوى ثاني 

10- المواضيع الي بدون تنسيق يعني تحط لي صور بدون بدايه للموضوع و تعليقات و نهاية للموضوع راح تحذف

*

هذا وصلى الله وسلم على سيدنا محمد وعلى اله وصحبه اجميعاً

رتب الأعضاء

راعي الحلال - السوبر فايزر - إدارة الاقسام - مشرف - مشرفه - شخصيات كبيره - كبار ابو ريالين - مميز ابو ريالين - مميز الشهر - الاعضاء - سجن الحاير

راعي الحلال : الكل بالكل .. صاحب الموقع ومساعده

السوبر فايزر : مشرف على جميع المنتدى وإدارته

إدارة الاقسام : مشرف على قسم بأقسامه (( يعني المنتدى العام مشرف على اقسامه كلها )) اتمنى وضحة

مشرف : مشرف على قسم معين

مشرفه : برضوا مشرفه على قسم معين

شخصيات كبيره : يكون من افضل الي بالمنتدى كتابه وله مكانتها بالمنتدى ولايهونون الباقين

كبار ابو ريالين : من الكتااااب الكبار في المنتدى

مميز ابو ريالين : كاتب توه بدا يتميز في طور النمو

مميز الشهر : هذا يكون مميز في كتاباته في قسم معين

الاعضاء : توه جديد بالمنتدى ويبغاله تطوير

سجن الحاير : ما اقول الا الله يكفيكم شره .. هذا على طول  برا المنتدى